George Sarau: Si varesave manuša, save kana na vakeres sar ov vakerel khere, phenen tuke kada naj lačhi čhib, miri čhib si gudľi, miri čhib si čačutňi, me som čačutno Rom…
RPA
Košice/Zagreb 12. novemberis (RPA) - O George Sarau sas jekh le manušendar, savo sas pro Maškarthemutno simpozijum pal e romaňi čhib, savo sas pro agor le čhoneske november 2010 andro Zagreb. O George Sarau hino profesoris pre Uči sikľarďi andro foros Bukurešť, the foros Cluji andre Rumuňiko, the lingvistas. Hino profesoris pre katedra pale romaňi čhib.
But berš kerel buťi, savi bararel e romaňi čhib. Prekalo Roma kerelas Bulletinos palo sikaviben ko Roma (1999-2009), hino manuš savo zathoďa profesijonalno grupa savi kerel la romaňa čhibaha, sikavibnaha, the čhibakera kulturaha le Romenge. Kerelas sar koordinatoris ke rumuňiko grupa palo viskumos ke lingvistika le Romenge. (1998-2006). Pre Univerzita andre Sorbona chudľa o papiris pale translacija andre romaňi. Džal pal o chramosarďipen the vakerdo lav. Kerel sar externo manuš so del gindi ko sikaviben le Romengero ko Ministerijum ke Bukurešť. Chudľa buter nacijakere the maškarthemutne bare paťiva vaš oda, kaj buchľarel o maškarkulturno dijalogos, the vaš o bararipen ke romaňi čhib the kultura. Ov zathoďa o Centros, kaj šaj o Roma sikľon pre Univerzita ke Bukurešť (2006). Zathoďa the e rumuňiko grupa palo viskumos the bararipen ke romaňi lingvistika (1998). O George Sarau irinďa but deš študiji the ľila, palo phurikaňiben the bararipen ke romaňi čhib.
Ni komentarjev:
Objavite komentar